Што такое інклюзія? (відэа) - Цэнтр "Жывая Бібліятэка"
Інклюзія

Што такое інклюзія? (відэа)

Што такое інклюзія?

Інклюзія – гэта ўключэнне розных уразлівых груп у жыццё грамадства.

Мы кажам НЕ толькі пра людзей з інваліднасцю. Варта памятаць, што людзі з інваліднасцю – гэта не толькі людзі на вазках, але і людзі з парушэннямі зроку, слыху, ментальнымі парушэннямі.

Да таго ж стварэнне камфортных умоў для жыцця важна самым розным групам: бацькі з малымі дзецьмі, людзі сталага веку, людзі з рознымі захворваннямі, ЛГБТ, мігранты  і іншыя.

Розныя сацыяльныя групы важна ўключаць не толькі ў адукацыю і працу (пра што памятаюць амаль усе), але і ў іншыя сферы жыцця: культура, ахова здароўя, спорт, сэкс, вандроўкі.

У інклюзіі ёсць некалькі складнікаў: фізічны і камунікацыйна-сімвалічны.

Першы – пра фізічную прастору. Гэта не толькі пандусы, але і адаптаваны транспарт, даступныя спартовыя пляцоўкі, шырокія праходы, тактыльная плітка.

Другі – пра камунікацыйную прастору. Гэта тое, якімі словамі мы размаўляем пра розныя групы, як да іх ставімся, ці ведаем, як правільна камунікаваць з імі, ці выкарыстоўваем простую навігацыю.

Навошта нам інклюзія? Яна гарантуе ўсім роўныя магчымасці ўдзелу ў жыцці грамадства. Інклюзіўнае грамадства – зручнае для ўсіх!

Падпісацца на навіныПадтрымацьВаланцёрства
Глядзіце таксама
Навіны

Збіраем базу інклюзіўных практык

Адукацыя

Социальная стигматизация и коронавирус

Навіны

Як прайшоў Дзень нулявой дыскрымінацыі

Інклюзія

Як практыкаваць інтэрсекцыянальнасць?(відэа)